بعد النتائج المبهرة لتقدم الإسلاميين في نتائج المرحلة الأولى من الإنتخابات المصرية
ولأننا شعب خفيف الظل
انطلقت التعليقات والكتابات المرحة أحيانا والساخرة أحيانا أخرى تعليقا على هذه النتائج
وإليكم بعضها :
ستصبح أفلام 2012 كالتالي :
السبحة لا تزال في جيبي
الناصر حسن البنا
البعض يذهب للمرشد مرتين
الأخ عمر و الأخت سلمي
السعودية رايح جاي
سلفي في الجامعة الأمريكية
الاخوان و الكباب
السجادة الخالية
في بيتنا اخوانجي
جعلتنى ليبراليا
ازاي تخللي الاخوات تحبك ؟
التجربه الماليزيه
كده رضا و الف حمد و شكر لله
وعن الأحوال العامة قالو عن التيار الإسلامي ستكون قراراتهم كالتالي :
هيشيلو التفاحة بتاعة آي فون ويحطوا بلحة
هيغيروا اسم الطريق الدائري والذي يربط عددا من المحافظات المصرية إلى الطريق المستقيم
محال درينكز المخصصة لبيع الخمر هتبيع سوبيا
دجاج مؤمن هيبقى الدليفري الوحيد في مصر
لما تدخل كنتاكي تطلب دينر بوكس تلاقيه مغطيلك الصدر والورك بمنديل
مصر هتختار شيبسي بطعم التمر
أقوى شتيمة هتكون ثكلتْك أمك
محلات التوحيد والنور الشعبية هتفتح في سيتي ستارز
تعديل الكي بورد بأجهزة الكمبيوتر ليشمل الكي بورد المعدل على كلمة إن شاء الله بعد كلمة إنتر
لما يتكلم حد على الهاتف ويكون مغلق تظهر الرسالة الصوتية الرقم المطلوب مغلق والله وأعلم.
====================
عاجل : الفنان الأخ عمرو دياب
يعدل بعض اغانية لتتماشي مع المرحلة المقبلة
انا اكتر واحد بيصلى ....
من كام سنه وانا اخوان اخوان ....
عايز تسيب دقنك كده سيبها ... وتعالى على نفسك وحددها ...
ياريت لبسك يزيد مترين ... عشان لبسك كدة قصير ...
ايناس الدغيدى هتعمل فيلم جديد بعنوان " الباحثات عن الحرية و العدالة "
واحد بيسأل التانى مامعكش 100 جنيه سلف ؟ قال له ولا حتى إخوان
ليست هناك تعليقات:
إرسال تعليق